«Չեմ կարծում, որ Զելենսկու ներկայությունը բանակցություններին կարևոր է»․ Թրամփ

ԱՄՆ նախագահ Դոնալդ Թրամփը հայտարարել է, որ կարիք չկար, որպեսզի Ուկրաինայի նախագահ Վլադիմիր Զելենսկին մասնակցեր հակամարտության կարգավորման վերաբերյալ Ռուսաստանի հետ բանակցություններին, գրում է Bloomberg-ը։
«Անկեղծ ասած՝ չեմ կարծում, որ նրա ներկայությունը հանդիպումներին շատ կարևոր է»,- նշել է Թրամփը:

Հիշեցնենք՝ Զելենսկին ասել էր, որ ԱՄՆ-ի և Ռուսաստանի պատվիրակությունների միջև Սաուդյան Արաբիայի մայրաքաղաքում տեղի ունեցած բանակցություններն անակնկալ են եղել ուկրաինական կողմի համար։

«Բանակցությունների մասին մենք իմացել ենք լրատվամիջոցներից»,- նշել էր Զելենսկին՝ հավելելով, որ Ուկրաինան չի զգում ԱՄՆ-ի աջակցությունը, և դա կապել է Ռուսաստանի ազդեցության հետ։