Գերմանիայում կոչ են արել համազգային հարցում անցկացնել՝ Ուկրաինային աջակցելու վերաբերյալ

Գերմանական «Սառա Վագենկնեխտ-միություն հանուն բանականության և արդարության» (SWU) կուսակցությունը կոչ է անում համազգային հարցում անցկացնել Ուկրաինային Գերմանիայի աջակցության շարունակման վերաբերյալ, հայտնել է կուսակցության ղեկավար Սառա Վագենկնեխտը։
Ավելի վաղ ԶԼՄ-ները հայտնել էին, որ Եվրոմիությունը նախատեսում է հաստատել Ուկրաինային օգնության մեծ փաթեթ, որի չափը կարող է կազմել 700 միլիարդ եվրո։

«Մենք պահանջում ենք համազգային հարցում անցկացնել Ուկրաինայի նկատմամբ Գերմանիայի քաղաքականության վերաբերյալ»,- ասել է Վագենկնեխտը Berliner Zeitung թերթին։

Վագենկնեխտը կարծում է, որ գերմանական զորքերի հնարավոր ուղարկումն Ուկրաինա ծանր բեռ կլինի Գերմանիայի համար։
«Եթե մենք զորքեր ուղարկենք, կարող ենք դառնալ հակամարտության անմիջական մասնակից։ Լավ է, որ ԱՄՆ-ն բանակցում է Ռուսաստանի հետ, բայց նրանք նաև ուզում են, որ մենք վճարենք հաշիվը և զորքեր ուղարկենք։ «Քաղաքացիները պետք է վետոյի իրավունք ունենան այս հարցում»,- հավելել է քաղաքական գործիչը։

Վագենկնեխտն ընդգծել է, որ իր կուսակցությունը, ինչպես և բնակչության մեծ մասը, դեմ է Ուկրաինային զենքի համար միլիարդների հետագա հատկացմանը և գերմանական զորքեր ուղարկելուն։