«Մենք ձգտում ենք հասնել երկարատև խաղաղության»․ ԱՄՆ փոխնախագահ

Ավարտվել է ԱՄՆ փոխնախագահի և Ուկրաինայի նախագահի հանդիպումը։ Ջեյ Դեյվիդ Վենսն արդյունավետ է որակել զրույցը։ «Կան մի շարք բաներ, որոնցով պետք է զբաղվել․ մեր նպատակը, ինչպես նախագահ Թրամփը նշել է, այն է, որ ցանկանում ենք՝ պատերազմն ավարտվի, մենք ուզում ենք, որ մարդկանց դադարեն սպանել, բայց մենք ցանկանում ենք հասնել տևական, կայուն խաղաղության, ոչ թե՝ ժամանակավոր: Մենք մի շարք զրույցներ ենք ունեցել, թե ինչպես կարող ենք միասին հասնել դրան, առաջիկայում ևս քննարկումներ կունենանք»,- ասել է Վենսը։