«Չեմ ուզում պատմության մեջ մտնել որպես մարդ, ով օգնեց Պուտինին՝ օկուպացնել իմ երկիրը»․ Զելենսկի

«Ես չեմ ուզում պատմության մեջ մտնել որպես մարդ, ով օգնեց Պուտինին՝ օկուպացնել իմ երկիրը»,- Մյունխենի անվտանգության համաժողովում հայտարարել է Ուկրաինայի նախագահ Վլադիմիր Զելենսկին, փոխանցում է BBC-ն։ Իր ելույթում Զելենսկին ընդգծել է խաղաղ բանակցություններին Եվրոպայի մասնակցության անհրաժեշտությունը և նշել, որ խաղաղության պայմանագիրը չի կարող ստորագրվել Մյունխենում։ «Մենք բոլորս հիշում ենք, թե ինչ է ստորագրվել այստեղ»,- ասել է նա՝ նկատի ունենալով 1938թ․ համաձայնագիրը, որը թույլ է տվել Գերմանիային բռնակցել Սուդեթի մարզը Չեխոսլովակիայից։