Թրամփը հայտարարել է, որ Ուկրաինայի և Ռուսաստանի հետ բանակցությունները «գերազանց են» ընթացել

ԱՄՆ-ի նախագահ Դոնալդ Թրամփը Ռուսաստանի և Ուկրաինայի հետ չորեքշաբթի կայացած բանակցությունները «գերազանց» է անվանել։

«Երեկ մեծ բանակցություններ են եղել Ռուսաստանի և Ուկրաինայի հետ. հիանալի հնարավորություն է վերջ տալու այս սարսափելի, շատ արյունալի պատերազմին»,– հինգշաբթի օրը իր Truth Social սոցիալական ցանցում գրել է Թրամփը։

Չորեքշաբթի օրը Թրամփն ու ՌԴ նախագահ Վլադիմիր Պուտինը հեռախոսազրույց են ունեցել։ Զրույցից հետո ամերիկացի առաջնորդը հայտնել է, որ Պուտինի հետ պայմանավորվել է սկսել Ուկրաինայի հարցով բանակցային գործընթացը։ Թրամփը նաև ասել է, որ հեռախոսով խոսել է Ուկրաինայի նախագահ Վլադիմիր Զելենսկու հետ, որում հույս է հայտնել արդյունավետ բանակցությունների համար Զելենսկու և ամերիկյան պատվիրակության միջև Մյունխենի անվտանգության համաժողովում։