«Աշխարհազորը չի կայացել, որտեղի՞ց վստահություն, որ տարածքային պաշտպանության համակարգը գործելու է». Գեղամ Մանուկյան

Կառավարության ներկայացրած «Պաշտպանության մասին օրենքում փոփոխություններ և լրացումներ կատարելու մասին», «Տարածքային կառավարման մասին օրենքում փոփոխություններ կատարելու մասին» նախագծերի փաթեթի քննարկման ժամանակ ելույթ ունեցավ ընդդիմադիր պատգամավոր Գեղամ Մանուկյանը: Նշենք, որ նախագծով նախատեսվում է աշխարհազորի համակարգը փոխարինել տեղական պաշտպանության ուժերով, սահմանվում են խնդիրները, դերը, ղեկավարման սկզբունքները, ստորաբաժանումների համալրման կարգը: «Համարվել է, որ աշխարհազորը չի կայացել, այսինքն՝ 2020թ. հոկտեմբերին ընդունված օրենքը աշխարհազորի մասին մինչև հիմա չի կայացել, որտեղի՞ց այդ վստահությունը, որ տարածքային պաշտպանության համակարգը գործելու է»,- ասաց Մանուկյանը: