Թրամփը հաստատել է Պուտինի հետ զրույցը. #Reuters

Ուկրաինայի դեմ Ռուսաստանի սանձազերծած պատերազմին վերջ դնելու բանակցություններն առաջ են ընթանում, Reuters-ի փոխանցմամբ, այս մասին հայտարարել է ԱՄՆ նախագահ Դոնալդ Թրամփը։ Նա չի բացահայտել Պուտինի հետ հեռախոսազրույցի մանրամասները: «Ես զրուցել եմ նրա հետ, ակնկալում եմ ավելի շատ զրույցներ: Մենք պետք է վերջ տանք այս պատերազմին»,- հայտարարել է Թրամփը: Նա հավելել է, որ ԱՄՆ-ն կապ է պահպանում ինչպես Կրեմլի, այնպես էլ Ուկրաինայի իշխանությունների հետ։