«Հազվադեպ օպտիկական երևույթ Ավստրիայում». Լևոն Ազիզյան

«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանի ֆեյսբուքյան գրառումը. «Մերձարևային հալո և «ադամանդե փոշու» հազվադեպ օպտիկական երևույթ Ավստրիայում
Մերձարև (կամ ստորին արև) - այս երևույթը տեղի է ունենում ամպերի մեջ թերթավոր սառցե բյուրեղներից արևի լույսի արտացոլման պատճառով: Այն հայտնվում է ուղղահայաց Արեգակի տակ՝ որպես պայծառ սպիտակ բիծ, որը նման է Արեգակի արտացոլմանը ջրի հանգիստ մակերեսի վրա։ Մերձարևը կարելի է տեսնել միայն վերևից, ուստի այն դիտվում է օդանավից (փետրաշերտավոր ամպերի մեջ) կամ ձմռանը լեռներում («ադամանդե փոշի»):
«Ադամանդե փոշին» մթնոլորտային երևույթ է, որի դեպքում պինդ տեղումները փոքրիկ սառցե բյուրեղների տեսքով օդում լողում են, ձևավորվում են ցրտաշունչ եղանակին: Ռուսական օդերևութաբանության մեջ այս երեւույթը կոչվում է սառցե ասեղներ»: