Եվրոխորհրդարանն առաջարկել է Իլոն Մասկին առաջադրել Խաղաղության Նոբելյան մրցանակի

Իլոն Մասկն առաջադրվել է Խաղաղության Նոբելյան մրցանակի, այս մասին չորեքշաբթի՝ հունվարի 29-ին, հայտարարել է սլովենացի պատգամավոր Բրանկո Գրիմսը։ Նա դիմել է Մասկի թեկնածության համար և ստացել հավանություն։ Եվրոխորհրդարանի պատգամավորը սոցիալական ցանցերում հրապարակել է էլեկտրոնային փոստի սքրինշոթ, որտեղ ասվում է, որ այն Նորվեգիայի Նոբելյան ինստիտուտից է:

Պատգամավորի խոսքով՝ ինքը Իլոն Մասկի թեկնածությունն առաջադրել է Խաղաղության Նոբելյան մրցանակի «խոսքի ազատությանը՝ մարդու հիմնարար իրավունքին հետևողական աջակցության համար»։

Իլոն Մասկը կանադացի-ամերիկացի ձեռնարկատեր, ինժեներ և գյուտարար է, ծնվել է 1971 թվականի հունիսի 28-ին Հարավային Աֆրիկայի Պրետորիա քաղաքում: Նա SpaceX-ի հիմնադիրն է, գործադիր տնօրենը և գլխավոր ինժեները, ինչպես նաև Tesla Inc.-ի գործադիր տնօրենն ու գլխավոր ճարտարապետը:

2022 թվականին Մասկը ձեռք է բերել Twitter սոցիալական ցանցը, որը հետագայում վերանվանվել է X։ Նա նաև նշանակվել է ԱՄՆ նախագահ Դոնալդ Թրամփի վարչակազմի Կառավարության արդյունավետության դեպարտամենտի (DOGE) ղեկավար։