3 գերու դիմաց Իսրայելը բանտից կազատի 110 պաղեստինցի բանտարկյալի
 Իսրայելը միջնորդների միջոցով ստացել է 2023 թվականի հոկտեմբերի 7-ի հարձակման ժամանակ Համասի կողմից վերցված 8 պատանդների ցուցակը, որոնք պետք է ազատ արձակվեն հինգշաբթի օրը՝ հունվարի 30-ին։ Նրանց թվում են 3 իսրայելցի և 5 օտարերկրյա աշխատողներ՝ Թաիլանդի քաղաքացիներ։ Պատանդների ընտանիքներն արդեն ծանուցվել են նրանց ծրագրված ազատ արձակման մասին։ Ինչպես հայտնում է Ynet-ը, վաղը պետք է ազատ արձակվեն կին զինվոր Ագամ Բերգերը, քաղաքացիական անձ Արբել Յեհուդը և 80-ամյա Գադի Մոզեսն, ով առևանգվել էր Կիբուց Նիր Օզից։ Մոզեսը և Յեհուդը գերի էին «Իսլամական ջիհադի» մոտ, իսկ Բերգերը գերի էր ՀԱՄԱՍ-ի մոտ: 3-ի դիմաց Իսրայելը բանտից կազատի 110 պաղեստինցի բանտարկյալի։ Ազատված թայլանդցի պատանդների անունները դեռ չեն հրապարակվում։ Նրանց ազատ արձակումն ի սկզբանե նախատեսված չէր՝ որպես Իսրայել-ՀԱՄԱՍ գործարքի առաջին փուլի մաս, քանի որ նրանք բոլորը երիտասարդ տղամարդիկ են, և Իսրայելը չէր պնդել նրանց ազատ արձակումը՝ որպես առաջնահերթություն: Պաղեստինցի բանտարկյալների հետ իսրայելցի պատանդների հերթական փոխանակումը նախատեսվում է իրականացնել շաբաթ օրը՝ փետրվարի 1-ին. նախատեսվում է, որ ՀԱՄԱՍ-ը կազատի ևս երեք պատանդի: |
«Տարիներ առաջ հռչակել էիր ՀԴՄ դիկտատուրա, ի՞նչ եղավ այն»․ Ոսկան Սարգսյան
017:12
«Պետք էր դիմել Մակրոնին»․ Հակոբ Բադալյան
8116:06
«Որոշ հյուրեր մեզ հայտնել են սննդային թունավորման ախտանիշների մասին»․ Ֆրանսիայի դեսպանատուն
8815:36
«Հանձնարարականը sms-ով են ստացել, թե՞․․․»․ Վարդուհի Սարգսյան
8615:12
Եզդիաբնակ Հակո գյուղում 10-15 ընտանիք է մնացել (տեսանյութ)
8815:00
«Արարատի գագաթին հնչեց դհոլի ձայնը»․ Սուրեն Կարիբյան (տեսանյութ)
8014:12