Սիրիան դիմել է ՄԱԿ-ին՝ Իսրայելի ագրեսիան կանգնեցնելու կոչով

Սիրիան, գործող իշխանությունների հանձնարարականով, դիմել է ՄԱԿ-ի Անվտանգության խորհրդին և այդ կազմակերպության գլխավոր քարտուղար Անտոնիո Գուտերեշին՝ Իսրայելի ագրեսիան կանգնեցնելու կոչով, հայտարարել է ՄԱԿ-ում ՍԱՀ մշտական ներկայացուցիչ Քուսեյ ադ-Դախակը։
«Այսօր, Սիրիայի կառավարության անունից, մենք նամակներ ենք ուղարկել ԱԽ՝ դատապարտելով Իսրայելի հարձակումը, կոչ անելով թույլ չտալ Իսրայելին օգտվել այն անցումից, որն այժմ իրականացնում են սիրիացիներն իրենց երկրում»,- ասել է սիրիացի դիվանագետը։