Արցախի մասին պատմող միանգամից երկու վավերագրական ֆիլմ իրավունք է ստացել մասնակցելու Օսկար մրցանակաբաշխությանը
 Կինոարվեստի և գիտության ակադեմիան հրապարակել է 2025 թվականի Օսկար մրցանակաբաշխությանը մասնակցելու իրավունք ունեցող 285 ֆիլմերի ցանկը՝ անիմացիոն, վավերագրական և միջազգային խաղարկային ֆիլմերի անվանակարգերում: Ֆիլմերի ցանկում ընդգրկված է երկու վավերագրական ֆիլմ, որոնք ուղղված են արցախյան թեմային՝ Շողակաթ Վարդանյանի «1489» վավերագրական ֆիլմը և Սարին Հայրապետյանի «Իմ քաղցր երկիր» վավերագրական ֆիլմը: Շողակաթ Վարդանյանը իր ֆիլմում վավերագրել է 2020 թվականի Արցախյան երկրորդ պատերազմի ժամանակ անհետ կորած կրտսեր եղբոր որոնումների ընթացքն ու ընտանիքի ծանր ապրումները: Էդգար Բաղդասարյանի «Յաշան և Լեոնիդ Բրեժնեվը» ֆիլմը կմրցի «Լավագույն միջազգային խաղարկային ֆիլմ» անվանակարգում՝ որպես Հայաստանի պաշտոնական ներկայացուցիչ։ Փաստագրական ֆիլմերի անվանակարգում ընդգրկված է 169 ֆիլմ: Կինոարվեստի և գիտության ակադեմիան դեկտեմբերի 17-ին կհրապարակի իր 15 ֆիլմերից բաղկացած կարճ ցուցակը, որին կհաջորդեն անվանակարգերը: Օսկարի մրցանակաբաշխությունը կանցկացվի մարտի 2-ին «Դոլբի» թատրոնում: |
«Ո՞նց հասկացնենք, որ ինքնության մաս կազմող նման ֆորմաները պետք է աչքի լույսի պես պահպանել». Վիկտոր Մնացականյան
17603.02.2025, 18:00
«Մոնա Լիզան» կտեղափոխվի Լուվրի առանձին սենյակ
86928.01.2025, 20:27
«Բացառիկ կադրեր Հայաստանի Առաջին Հանրապետությունից». Խաժակ Սիրեկանյան (տեսանյութ)
14128.01.2025, 02:06
Մոնթեբելլոյի Ցեղասպանության հուշարձանը պատմական կոթողների շարքում ներառելու դիմում է ներկայացվել
16327.01.2025, 20:48
«Մոլորեցնում են, թե իբրև մշակութային կազմակերպությունների «Ազգային» կարգավիճակը պահպանվել է»․ Լիլիթ Գալստյան
13324.01.2025, 22:42
Տիգրան Քեոսայանին շնորհվել է ՌԴ վաստակավոր արտիստի կոչում
13424.01.2025, 22:18