Դուրովի երեխաների մայրը հայց է ներկայացրել նրա դեմ

Telegram մեսենջերի հիմնադիր Պավել Դուրովը Շվեյցարիայում քրեական գործով մեղադրյալ է դարձել, հայտնում է Forbes-ը՝ հղում անելով աղբյուրներին։ Գործը բացվել է Իրինա Բոլգարի դիմումից հետո, ով իրեն անվանում է Դուրովի 3 երեխաների մայր։

Բուլղարուհին, այն բանից հետո, երբ Դուրովը, ըստ իր վարկածի, դադարեցրել է ալիմենտ վճարել, երկու հայց է ներկայացրեց Ժնևի դատարաններից մեկում՝ երեխայի խնամակալությունից հրաժարման (քաղաքացիական) և ֆիզիկական բռնության ենթարկելու (քրեական) վերաբերյալ։ Forbes-ի տվյալներով՝ Դուրովը նրան ամսական վճարել է 150 հազար եվրո։ Առաջին հայցով, որը ներկայացվել է 2023 թվականի մարտին, կինը պնդում է, որ Դուրովը 2021-ից 2022 թվականներին 5 անգամ հարձակվել է իրենց որդու վրա:

Հայցվորը պնդում է, որ բռնության այս դեպքերը հանգեցրել են վնասվածքների՝ երեխան ուղեղի ցնցում ու քնի խանգարում է ստացել։ Որպես ապացույց՝ Բոլգարը ներկայացրել է 2021 թվականի նոյեմբերին Դուրովի հետ իբր փոխանակված հաղորդագրությունները՝ կապված տղայի առողջության հետ, ինչպես նաև 2023 թվականի ապրիլին թվագրված տեղեկանք, որը հաստատում է, որ երեխան շարունակում է տառապել անհանգստությունից և անքնությունից։ Դուրովի ներկայացուցիչը հրաժարվել է մեկնաբանություններից։ Բոլգարի փաստաբանը հաստատել է, որ նա և իր 3 երեխաները ներգրավված են քաղաքացիական դատավարության մեջ, սակայն հրաժարվել է մեկնաբանել քրեական բողոքը։

Forbes-ը հայտնում է, որ խմբագրությունն ունի փաստաթղթերի և դրանց թարգմանությունների լուսապատճենները, որտեղ նշվում է Դուրովի լրիվ անունն ու ծննդյան տարեթիվը, ներառյալ՝ նրա ծննդյան վայրը։ Առաջին անգամ Բոլգարը հունիսի վերջին հայտարարեց իր ևԴուրովի երեխաների մասին՝ Instagram-ում հրապարակելով լուսանկար։ Գործարարը դա չի մեկնաբանել, սակայն շուտով հայտարարել է, որ մի քանի տարի առաջ դարձել է սերմնահեղուկի դոնոր և ունի 100-ից ավելի կենսաբանական երեխա։

Օգոստոսի սկզբին կինը Forbes-ին ուղարկել է Դուրովի հայրությունը հաստատող փաստաթղթերի պատճեններ, ինչպես նաև ընտանեկան լուսանկար իր որդիներից մեկի ծննդյան օրվանից, որին Դուրովը ներկա էր: Բոլգարը ամսագրին պատմել է, որ գործարարի հետ ծանոթացել է 2012 թվականին և 2013-2017 թվականներին նրանք ունեցել են որդիներ Դանիելին ու Դեյվիդին և դուստր՝ Լիային։ Բոլգարն իր երեխաների հետ ապրել է Սանկտ Պետերբուրգում, իսկ 2018 թվականին տեղափոխվել է Դուբայ, սակայն չի կարողացել ԱՄԷ-ում բնակության թույլտվություն ստանալ։ 2020 թվականից նա երեխաների հետ ապրում է Շվեյցարիայում։

Դուրովը ձերբակալվել է Փարիզի Լե Բուրժե օդանավակայանում օգոստոսի 24-ին։ Ըստ քննիչների՝ նա մեսենջերում ապօրինի գործողությունների մեղսակից է եղել։ Telegram-ի հիմնադրին մեղադրանք է առաջադրվել 12 մեղադրանքով, այդ թվում՝ մանկական պոռնոգրաֆիա և թմրանյութեր պահելու և տարածելու, խարդախության և այլ գործերով: