Պատրիարք Կիրիլն ուղերձով դիմել է Հռոմի Պապին և մյուս կրոնական առաջնորդներին

Մոսկվայի և Համայն Ռուսիո պատրիարք Կիրիլը դիմել է ուղղափառ եկեղեցիների առաջնորդներին, Հռոմի պապ Ֆրանցիսկոսին, Անգլիկան եկեղեցու հոգևոր առաջնորդ Ջասթին Ուելբիին, այլ հոգևոր առաջնորդների և միջազգային կազմակերպությունների ներկայացուցիչների՝ ուղերձով, որում խնդրել է «ձայն բարձրացնել ի պաշտպանություն ուկրաինական ուղղափառ եկեղեցու հալածվող հավատացյալների»:
Հիշեցնենք՝ այսօր Ուկրաինայի նախագահ Վլադիմիր Զելենսկին ստորագրել է Ռադայի կողմից ընդունված օրենքը, որով հնարավորություն է ստեղծվում արգելել երկրում կանոնական ուկրաինական ուղղափառ եկեղեցին։

«Այս օրենքի դրույթների բացահայտ հակասությունները Ուկրաինայի Սահմանադրության նորմերին, նրա միջազգային պայմանագրերին, մարդու իրավունքներին և իրավունքի հիմնարար սկզբունքներին բազմիցս բարձրաձայնվել են միջազգային իրավապաշտպան խոշոր կազմակերպությունների կողմից՝ նրանց փաստաթղթերում։
Ուղերձին կցված է նաև օգոստոսի 22-ի՝ Ռուս ուղղափառ եկեղեցու Սինոդի հայտարարությունը, որը դատապարտում է ուկրաինական այս օրենքը: