«Անջատել Փաշինյանի իշխանությունը թթվածնից»․ Անդրանիկ Թևանյան

«Մայր Հայաստան» շարժման առաջնորդ Անդրանիկ Թևանյանը ֆեյսբուքան էջում գրել է․ «Իշխանափոխության մեխանիկան․ անջատել Փաշինյանի իշխանությունը թթվածնից
Նիկոլ Փաշինյանի իշխանությունը լեգիտիմ չէ։ Իշխանությունն այդ գոյատևում է արտաքին ու ներքին թթվածնային մատակարարման արդյունքում։ Դրսից Փաշինյանին թթվածին են մատակարարում արևմտաթուրքական այն շրջանակները, որոնց համար կարևորը Հայաստանը հակառուսական ու հակաիրանական թնդանոթի միս դարձնելն է։
Ներսի մատակարարներն այն շրջանակներն են, որոնք չեն դիմանում ճշմարտությանը ու անմիջապես վայնասուն են բարձրացնում։
Իշխանափոխության համար անհրաժեշտ է հստակ արտաքին քաղաքական և անվտանգային համակարգի այլընտրանք ներկայացնել մեր ժողովրդին՝ բացահայտելով օրվա իշխանությունների ամբողջ սնանկությունը և իրական խաղաղության հասնելու հնարավորությունը։
Ինչ վերաբերում է Փաշինյանին ներսից թթվածին մատակարարողներին և դրանց չեզոքացմանը, ապա սրանց հարցերն ավելի հեշտ է լուծելը։ Իրենք անմիջապես աչքի են ընկնում և ինքնաոչնչանում»։