Հութիները հայտնել են Իսրայելի ՊՆ շենքը հրթիռակոծելու մասին

Եմենի հյուսիսում իշխող հութիների շարժումը հայտարարել է, որ «Պաղեստին-2» հրթիռով խոցել են Թել Ավիվում Իսրայելի պաշտպանության նախարարության շենքը։
«Մենք ռազմական գործողություն ենք իրականացրել՝ օգտագործելով հիպերձայնային բալիստիկ հրթիռ»,- ասվում է շարժման Telegram ալիքում։

Հաղորդվում է, որ հարվածը հասել է թիրախին և պաշտպանական համակարգերը չեն կարողացել որսալ այն: Հութիները հավելել են, որ Թել Ավիվում այս գործողությունը երրորդն էր 12 ժամվա ընթացքում։