«Չափդ ճանաչի, գործիդ մնա»․ ԱԱԾ տնօրենի տեղակալը՝ լրագրողին

«Կիրանցում եթե թշնամին հարձակվի, ԱԱԾ սահմանապահ զորքերը ո՞նց են պահպանելու մեր սահմանները»,- ԱԱԾ տնօրենի տեղակալ Անդրանիկ Սիմոնյանին հարցրեց լրագրողը։ «Հարցազրույց չեմ տալիս, ժողովուրդ»,- ձայնը բարձրացնելով՝ ասաց Սիմոնյանը։ Ի պատասխան՝ լրագրողը նշեց․ «Գոնե տարիք հարգեք, դուք ինձնից փոքր եք, որ մեծերը հարց են տալիս, բարի եղեք, կանգնեք, պատասխանեք»։ Սիմոնյանն արձագանքեց լրագրողի դիտարկմանը՝ ասելով․ «Դուք ձեր չափն ընդհանրապես չեք ճանաչում, լրագրող ես, չափդ ճանաչի, գործիդ մնա»։