Երևան`   +30 °C
Այսօր`   Երեքշաբթի, 16 հուլիսի, 2024 թ.

ԱՄՆ պետդեպի հատուկ ներկայացուցիչը եղել է Սյունիքում

134
Երկուշաբթի, 24 հունիսի, 2024 թ., 18:24
ԱՄՆ պետդեպի հատուկ ներկայացուցիչը եղել է Սյունիքում

ԱՄՆ պետքարտուղարության հատուկ ներկայացուցիչ Նինա Խաչիկյանն այցելել է Սյունիքի մարզ: Այս մասին Խաչիկյանը գրել է «X»-ի իր միկրոբլոգում։

«Մինչ տուն վերադառնալը հանգստյան օրերն անցկացրել եմ Սյունիքում՝ Հայաստանի հարավում։ Դա իսկապես անհավանական վայր է: Նրա պատմությունը, մշակույթը, հրաշալի մարդիկ և բնության գեղեցկությունը հիացրել են ինձ։ Սյունիքի բնական գեղեցկությունը զարմանալի է, իսկ շուրջբոլորը՝ հնագույն պատմություն։ Հայերն այստեղ ապրել են հազարավոր, նույնիսկ տասնյակ հազարավոր տարիներ», - գրել է Խաչիկյանը՝ հրապարակելով նաև լուսանկարներ։

Պետքարտուղարության հատուկ ներկայացուցիչը եղել է Տաթևի «Զորաց քարեր» կոչվող համալիրում։ Նա հույս է հայտնել, որ շուտով կվերադառնա Սյունիք:

Աղբյուրը`   Նինա Խաչիկյան