«Ներկայացումները դադարեցվել են կառավարության որոշումից բխած ապօրինությունների պատճառով». «Գոյ» թատրոն

«Գոյ» թատրոնից հայտնում են, որ փետրվար ամսվա ներկայացումներն անժամկետ դադարեցվել են կառավարության 701-Ն որոշումից բխած ապօրինությունների պատճառով։

«Ովքեր նախապես տոմսեր էին գնել հայցում ենք ձեր ներողամտությունը։ Խնդիրները կարգավորելուց հետո կկապվենք ձեզ հետ կամ կլինեն հավելյալ հայտարարություններ մեր էջում»,- նշում են թատրոնից։

Հիշեցնենք՝ ԿԳՄՍ նախարարությունից և Գ․ Սունդուկյանի անվան ազգային ակադեմիական թատրոնից հայտնում են, որ «Գոյ» թատրոնի միավորումը Սունդուկյան թատրոնին արդեն իրականություն է։

«Հունվարի 30-ին կառավարության որոշման համաձայն, պետական ռեգիստրը «Գոյ» թատրոնը վերակազմակերպեց՝ միավորելով Սունդուկյան թատրոնի հետ, կա նաև կանոնադարության փոփոխությունը»,- օրերս հայտարարել էր Գ․ Սունդուկյանի անվան ազգային ակադեմիական թատրոնի տնօրեն Վարդան Մկրտչյանը։

Հիշեցնենք նաև, որ «Գոյ» թատրոնի ստեղծագործական ու դերասանական կազմերը դեմ են այդ միավորմանը, հայտարարում են, որ չեն գնալու աշխատել Սունդուկյանի անվան ակադեմիական թատրոնում։