Մահացել է Գլեբ Պանֆիլովը

90 տարեկանում մահացել է ռուս ռեժիսոր Գլեբ Պանֆիլովը։ «Դժբախտություն է տեղի ունեցել, կյանքից հեռացել է մեծանուն ռեժիսոր Գլեբ Անատոլևիչ Պանֆիլովը»,- РИА Новости-ին հայտնել է «Լենկոմ» թատրոնի տնօրեն Մարկ Վարշավերը։

Հիշեցնենք՝ ամիսներ առաջ Պանֆիլովը տեղափոխվել էր հիվանդանոց, նրա մոտ կաթված էր ախտորոշվել։

Նա ստեղծել է այնպիսի ֆիլմեր, ինչպիսիք են «Խոսքեր եմ խնդրում», «Թեման», «Առանց մեղքի մեղավորները», «Վալենտինա» և այլն։