Ատոմային ռմբակոծության «ականատես» հուշաքարը Երևանի Մանկական զբոսայգում

Թեև շատերին է ծանոթ Երկրորդ Համաշխարհային պատերազմի ավարտի ամենաարյունալի էջերից մեկը, որի ժամանակ 1945 թվականի օգոստոսի 6-ին, ժամը 8։15-ին ճապոնական Հերոշիմա և Նագասակի քաղաքների վրա ատոմային ռումբ նետվեց, սակայն քչերը գիտեն, որ Երևանի զբոսայգիներից մեկում, որպես այդ սոսկալի իրադարձության հուշաքար, տեղադրված է գրանիտե մի սալիկ, որը բերվել է հենց Հերոշիմայից։

Այս քարն ատոմային պայթյունի «ականատեսն է», քանի որ պայթյունի ժամանակ գտնվել է էպիկենտրոնից ընդամենը 200 մետր հեռավորության վրա՝ Աիոի կամրջի մոտակայքում։ Այսպիսի սալիկներով էին պատված Հերոշիմայի կենտրոնական փողոցները, որոնցով անցնում էին քաղաքի բնակիչների հիմնական փոխադրամիջոցի՝ տրամվայի ուղիները։

Գրանիտե սալաքարի վրա պատկերված է կնոջ պատկեր, և ինչպես նշված է հուշաքարի վրա, այն իր մեջ պարունակում է հավերժական խաղաղության կոչ։ Ճապոնիայի կողմից Աիոի կամրջի տարածքից հավաքվել է նման 188 սալաքար, որոնց վրա փորագրվել է կնոջ պատկերը և նվիրաբերվել աշխարհի տարբեր ժողովուրդներին։

Այս քայլով Ճապոնիան ցանկանում է համայն մարդկության հետ կիսվել անպատերազմ աշխարհում ապրելու իր իղձով՝ աչքի առաջ ունենալով Հերոշիմայի ատոմային ռմբակոծությունը՝ որպես հիշեցում խաղաղության կարևորության մասին։
Սա մարդկության պատմության մեջ միջուկային զենքի ռազմական օգտագործման միակ դեպքն է, որը կիրառել է Ամերիկայի Միացիալ Նահանգների Զինված ուժերը՝ Երկրորդ աշխարհամարտի ավարտին Ճապոնիայի կապիտուլիացիան արագացնելու նպատակով։

Երկու քաղաքներում ընդհանուր առմամբ պայթյունի զոհ են դարձել մոտ երկու հարյուր հազար մարդ։
Հուշաքարը այգում տեղադրվել է 1991 թվականին։