Լույս է տեսել Սոս Սարգսյանի «Երկիրը երկիր է» ժողովածուն

Գրականագետ, խմբագիր Արմեն Սարգսյանը ֆեյսբուքյան իր էջում տեղեկացրել է. «Լույս է տեսել Սոս Սարգսյանի հոդվածների, հուշերի, ակնարկների, մտքերի, հարցազրույցների «Երկիրը երկիր է» ժողովածուն:
Գրքում դերասանի ուշադրության կենտրոնում են մեր երկրի անկախությունը, պետականությունը, մշակույթը: Մտավորականը հասարակությանը հորդորում է դասեր քաղել հայ ժողովրդի պատմությունից, մասնավորապես՝ քսաներորդ դարի իրադարձություններից:
Սոս Սարգսյանը կարևորում է անկախության պահանջները հաշվի առնելը, հնի իներցիայով առաջ չշարժվելը, անձերի ճակատագիրը երկրի ճակատագրից չզատելը:
Արտիստը համախմբվելու կոչ է անում, որովհետև «Եթե բոլորս երազենք, եթե պինդ երազենք, ապա իրականություն կդառնա մեր երազածը»:
Նախագծի ղեկավար՝ Ներսես Տեր-Վարդանյան, կազմող և խմբագիր՝ Արմեն Սարգսյան, առաջաբանը՝ Նարինե Գրիգորյանի, սրբագրիչ՝ Կարինե Մեսրոպյան, էջադրող՝ Արփինե Գուլոյան, շապիկը՝ Լիլիթ Ալթունյանի, հրատարակիչ՝ «Վերնատուն»։
Գրքի հրատարակումը մեզ վստահելու համար շնորհակալություն Nelly Sargsyanին։
Հունիսի 27-ից՝ բոլոր գրախանութներում:
Բարի ընթերցում»։