Թումոյի այգում ներկայացվում են Արամ Խաչատրյանի ստեղծագործությունները. առաջինը «Գայանե» բալետն էր
Հայ մեծանուն կոմպոզիտոր Արամ Խաչատրյանի ծննդյան 120-ամյակի առթիվ Երևանի քաղաքապետարանը նախաձեռնել է մշակութային բացառիկ ու մասշտաբային նախագիծ: Թումոյի այգում ձևավորված բեմում Խաչատրյանի բալետային ստեղծագործություններն են: Առաջինը ներկայացվեց «Գայանե» բալետը: Բեմում Ալ. Սպենդիարյանի անվան օպերայի և բալետի ազգային ակադեմիական թատրոնի արտիստներն էին և նվագախումբը: Նախագիծն առաջինն է ոչ միայն քաղաքի մշակութային կյանքում, այլև տարածաշրջանում: Ծրագրին ներգրավված է ավելի քան 500 մասնակից: Բալետային երեկոյին շտապած մայրաքաղաքի հարյուրավոր բնակիչների ու հյուրերի հետ միջոցառմանը ներկա էին Երևանի փոխքաղաքապետներ Տիգրան Ավինյանն ու Ստեփան Մաչյանը, ավագանու անդամներ, արվեստի գործիչներ: «Համերգասրահների պատերից ներս կենդանացող խաչատրյանական ստեղծագործություններն այսօր վայելելու ենք բոլորովին նոր միջավայրում՝ Երևանի՝ մեր տան անկյուններից մեկում: Իր գեղարվեստական նվաճումներից բացի Խաչատրյանը հանդիսանում է Հայաստանի մշակութային դեսպանն աշխարհում։ Կյանքի մեծ մասը Հայաստանից դուրս անցկացնելով հանդերձ՝ իր երաժշտության միջոցով Խաչատրյանը ցուցադրել է մեր հայրենիքի հարուստ մշակութային ժառանգությունը՝ աշխարհասփյուռ հանդիսատեսին ներկայացնելով հայկական երաժշտության գեղեցկությունն ու խորությունը»,-ընդգծել է Տիգրան Ավինյանը: Հունիսի 7-ին և 8-ին հանդիսատեսը կվայելի «Դիմակահանդես»-ն ու «Սպարտակ»-ը: Միջոցառման սկիզբը՝ 20:00-ին: |
«Գուցե ընդունեք, որ լավ բան չեք անում»․ Մանուկյանը՝ Կոնսերվատորիայի և «Գոյ» թատրոնի խնդիրների մասին (տեսանյութ)
11315:36«Պետությունը, որտեղ մանկավարժն արժեք չունի, կործանվում է, չի կարող գոյատևել»․ Տիգրան Հեքեքյան (տեսանյութ)
16811:24«Ժաննա Անդրեասյանը կատարածու է»․ Արթուր Սահակյան
483Երեկ, 13:54«Արվեստն ու կատարելությունը սահման չունեն»․ Արամ Չախոյան (տեսանյութ)
465Երեկ, 13:18«Նիկոլի օրոք փակվել է երկու թատրոն, որոնք Երևանում էին, ոչ թե Տավուշի գյուղերում»․ Ռ․ Մխիթարյան
478Երեկ, 11:30«Տիտանիկ» ֆիլմում Ռոզային փրկած դուռը վաճառվել է նախնական արժեքից 18 անգամ թանկ գնով (լուսանկար)
85226.03.2024, 23:18