Երևան`   +14 °C
Այսօր`   Հինգշաբթի, 28 մարտի, 2024 թ.

«Իր երեխուն վաճառող մոր նման Արցախը թուրքին հանձնողներ՝ դուք մի օր իշխանության էլ չեք լինելու». Վ. Մարտիրոսյան

171
Երկուշաբթի, 29 մայիսի, 2023 թ., 23:12
«Իր երեխուն վաճառող մոր նման Արցախը թուրքին հանձնողներ՝ դուք մի օր իշխանության էլ չեք լինելու». Վ. Մարտիրոսյան

Zangi-ի հիմնադիր Վահրամ Մարտիրոսյանը ֆեյսբուքյան իր էջում գրել է. «Իրենց երեխաներին վաճառած մայրերի մեծ մասի բացատրությունը մեկն է՝ Եթե ես երեխայիցս չհրաժարվեի, ապա իվիճակի չէի լինելու երկուսիս հացի խնդիրը հոգալ ու երկուսս էլ մահանալու էինք։ Իմ երեխայից հրաժարվելով ես փրկել եմ նրան, հետո ինձ։
Բայց աշխարհում ոչ մի դատավոր սա արդարացում չի համարում։
Նիկոլականներն արդարանում են, թե իբր սա քաղաքականություն է, և Էյվեզլի ասելը, Արարատը ուրանալը ու մնացած սրբապղծությունները իբր real-politic են։ Այո real-politic են՝ բանանային հանրապետության politic։ Պատմականորեն, բոլոր այն ազգերը, ովքեր կորցրել են իրենց բարոյականությունը, առանց բացառության շատ արագ կորցրել են նաև իրենց պետականությունը։ Սա միջոց չի, սա մեր գլխին էլ ավելի մեծ աղետներ բերելու ուղի է։
Իրականում այս պնդումը մարտնչող տգիտությամբ դավաճանությունն արդարացնելու հերթական դրսևորումն է։ Դեռ մ.թ.ա 360 թվականին Պլատոնը իր «Պետություն» աշխատության մեջ է ասում՝ Կա քաղաքացիների հոգով ոչ ազնվական տեսակ, որոնց պետք է հեռու պահել պետությունից։ Նրանց դերը պետությունում պետք է սահմանափակվի հարկատու լինելով։ Հռոմեական Ռեսպուպլիկայի հիմքում նույնպես սահմանվում է ազնվականությունը։ Եթե նույնիսկ պետական այրը պլեբսից էր, ապա նա պետք է լիներ բարձր բարոյական արժեքների կրողը։ Դրա համար Հռոմում առևտրականներին չէին սիրում։ Ինչքան էլ նրանք հարուստ լինեին, միևնույն է դասվում էին ավելի ցածր սոցիալական կարգի։
Նույնը ասում էր Շառլ դը Գոլը՝ Անմակարդակությանը թողեցիր պետությանը մոտ, նա պետությունը իջեցնելու է իր մակարդակին։
Ուշադրություն դարձրեք, որ Պլատոնից սկսած ոչ ոք չի ասել թե պետությունը պետք է կառավարվի կրթված-խելացիների կողմից։ Բոլորի մոտ կարմիր թելով մեկ միտք է գնում՝ Պետությունը չպետք է կառավարվի ցածր բարոյականության սկզբունքներով։
Իր երեխուն վաճառող մոր նման Արցախը թուրքին հանձնողներ, հիշեք, որ դուք մի օր իշխանության էլ չեք լինելու»: