«Արդյո՞ք դա նշանակում է՝ հրաժարում Բրյուսելում ձեռք բերված պայմանավորվածություններից». վարչապետ

«Տեղյակ եք, որ ՀՀ-ն ու Ադրբեջանը պայմանավորվել են փոխադարձաբար ճանաչել միմյանց 29, 800 քառ. կմ և 86, 600 քառ. կմ տարածքային ամբողջականությունները: Անկեղծ ասած, առնվազն հասկանալի չեն Ադրբեջանի նախագահի երեկվա հայտարարությունները: Կարծում եմ՝ և՛ Ադրբեջանը, և՛ միջազգային գործընկերները պետք է պարզաբանեն՝ արդյո՞ք դա նշանակում է հրաժարում Բրյուսելում ձեռք բերված պայմանավորվածություններից»,- ԱԺ-ում հայտարարեց ՀՀ վարչապետը՝ անդրադառնալով Իլհամ Ալիևի երեկվա հայտարարությանը: Փաշինյանը խոսեց նաև հունիսի 1-ին Քիշնևում սպասվող հնգակողմ հանդիպման մասին: