Երևան`   +16 °C
Այսօր`   Ուրբաթ, 29 մարտի, 2024 թ.

«Ինքն իրեն քննադատելու բան չունի՞, որ հեկտարներով հանձնում է». ադրբեջանագետ

139
Շաբաթ, 01 ապրիլի, 2023 թ., 14:18
«Ինքն իրեն քննադատելու բան չունի՞, որ հեկտարներով հանձնում է». ադրբեջանագետ

ԱԺ նախկին պատգամավոր, ադրբեջանագետ Տաթևիկ Հայրապետյանը ֆեյսբուքյան իր էջում գրում է. «Ոչ վաղ անցյալում ադրբեջանցիների գալը ոչ միայն տեսնում էին, այլև կանխում: Հիմա ոչ տեսնող կա, ոչ կանխող, նույնիսկ խոսացող չկա դրա մասին: Որերորդ անգամն է՝ ադրբեջանցի զինվորը սուլելով գալիս, նստում է բարձրադիր դիրքերում ու թիրախի տակ առնում մեզ բոլորիս: Իսկ Ազգային ժողով կրկեսը ամեն ինչ անում է, որ դրա մասին չխոսվի: Եթե իշխանությանն ու ընդդիմությանը պատկանող լրատվականներն ու ֆեյքերը նույն ինտենսիվությամբ խոսեին, թե ինչպես օրեր առաջ ադրբեջանցիները տեղավորվեցին Տեղ գյուղի վարելահողերում, իրավիճակը շատ ավելի այլ կլիներ:

Տեսանյութը՝ 7 տարի առաջ տեղի ունեցած ապրիլյան հարձակումից է: Երբ 800 հեկտար կորցրած Սերժ Սարգսյանին Նիկոլ Փաշինյանը փրփուրը բերանին քննադատում էր ու լավ էր անում, բայց հարցը մնում է այն, իսկ ինքն իրեն այսօր քննադատելու բան չունի՞, որ հեկտարներով մի գիշերվա մեջ առանց դիմադրության հանձնում է՝ բուն ՀՀ–ի տարածքից, որի տարածքային ամբողջականությունն իբր թե իր կարմիր գիծն էր: Փառք ու պատիվ էն տղերքին, որոնք կռվում են, կյանք չեն խնայում ու չեն հանձնվում ու չեն հանձնում երկիրը...
Տեսանյութը՝ Armenian Military Portal տելեգրամյան էջից»: