Հունաստանում աճել է երկաթուղային աղետի զոհերի թիվը

Հունաստանում երկաթուղային աղետի զոհերի թիվը հասել է 57-ի, հայտնում է հունական ERT հանրային հեռուստաընկերությունը՝ հղում անելով հրշեջ ծառայությանը։
«Այս պահի դրությամբ 56 մարմին դեռ չի նույնականացվել»,– նշում է լրատվամիջոցը։
Հիշեցնենք, որ մարտի 1-ի լույս 2-ի գիշերը Լարիսա քաղաքից ոչ հեռու գտնվող Տեմպի բնակավայրում բեռնատար և մարդատար գնացքներ են բախվել: Բացի զոհերից, ավելի քան 8 տասնյակ մարդ վնասվածքներ է ստացել։ Գնացքների վթարի դեպքով կայարանի պետն իրեն մեղավոր է ճանաչել, իսկ տրանսպորտի նախարարը հրաժարական է տվել: