Հունաստանում երկու գնացքների վթարի դեպքով կայարանի պետն իրեն մեղավոր է համարել

Լարիսա քաղաքի կայարանի պետը, որը ձերբակալվել է երկու գնացքների վթարի փաստով հարուցված քրգործի շրջանակներում, ընդունել է իր սխալը: Տեղեկությունը հայտնում է հունական ERT հանրային հեռուստաընկերությունը՝ վկայակոչելով ոստիկանության աղբյուրները։
«Ես սխալ եմ թույլ տվել և ուղևորատար գնացքն ուղարկել եմ նույն ճանապարհով, ինչ Կատերինիից եկող բեռնատար գնացքն»,– ասել է կայարանի պետը:
Նշվում է, որ կայարանի պետը 56 տարեկան է, նա պաշտոնը ստանձնել է մեկ ամիս առաջ։ Նախկինում աշխատել է Հունաստանի երկաթուղիների կազմակերպման OSE ընկերությունում:
Նրա դեմ քրեական գործ է հարուցվել։