«Օտարերկրյա մասնագետ ասելով` ի նկատի ունենք վերջին մի քանի տարում ՀՀ-ում քիչ ապրած մարդկանց»․ Վահան Քերոբյան

ԱԺ տնտեսական ու ֆինանսավարկային և բյուջետային հարցերի մշտական հանձնաժողովների համատեղ նիստում 2023թ. պետական բյուջեի նախագծի քննարկման ժամանակ ՔՊ-ական Հովիկ Աղազարյանն Էկոնոմիայի նախարար Վահան Քերոբյանին խնդրեց պարզաբանել հետևյալը. «Մասնավոր բիզնեսին սուբսիդավորում են, եթե նա օտարերկրյա մասնագետի է հրավիրում. ինձ համար անհասկանալի է՝ ինչո՞ւ պետք է պետությունը հենց այդ հատվածով սուբսիդավորի, թող բիզնեսն ինքը որոշի ո՞ր մասնագետն է իր համար լավ և շատ վճարի։ Եվ ի՞նչ է նշանակում օտարերկրյա քաղաքացի. եթե ես Երևանում ապրել, մեծացել եմ, դարձել եմ 25 տարեկան, հետո ինչ-ինչ ճանապարհով մեկ տարի հետո դարձել եմ ԱՄՆ քաղաքացի, հետո հետ եմ գալիս ՀՀ, ես արդեն օտարերկրյա քաղաքացի՞ եմ»։

«Օտարերկրյա մասնագետ ասելով՝ մենք ի նկատի չունենք օտարերկրյա քաղաքացիների, մենք ի նկատի ունենք վերջին մի քանի տարում Հայաստանում քիչ ապրած մարդկանց, ովքեր իրենց վերջին փորձն ունեցել են արտերկրում»,- պարզաբանել է նախարարը։