«Յեռլականի՝ Վանի քոչարին այսպես է կոչվել». Սուքիաս Թորոսյան

Ծաղրանկարիչ, նկարիչ Սուքիաս Թորոսյանի գրառումը․ «ՅԵՌԼԱԿԱՆԻ՝ Վանի քոչարին այսպես է կոչվել։ Յեռ-բնիկ հայ բառ, որ նշանակում է շարել կողք կողքի, միացնել, կպցնել: Սկզբից պարի է հրավիրվում պարագլուխը, ով լավ է հասկանում պարերի լեզուն, հարուստ-մարուստ կապ չունի, ժողովրդի կողմից ընտրված լավագույնը, ով հրամաններ է տալիս ռիթմի և շարժման վերաբերյալ։ Շատ անգամ յեռլականի տակ երգում էին /մի քանի պարերի բառեր մնացել են/։ Աջ ձեռքում անպայման պետք է շողար կարմիր լաթը /երևի վիշապի լեզուն/, իսկ խումբը ավարտում էր պոչը, որը ոչ պակաս կարևոր էր, նա պետք է ֆիզիկապես ուժեղ լիներ և կարողանար պահել կոր գիծը։ Պարերը մեզ դաստիարակել են»: