«Իրանի շահական ընտանիքին պատկանող թանկարժեք, դասական մեքենաները». Ա. Առուշանյան

ԵՊՀ Իրանագիտության ամբիոնի դասախոս Արփինե Առուշանյանը ֆեյսբուքյան իր էջում գրել է. «Իրանում կա «Մեքենաների ազգային թանգարան», որտեղ 2001-ից ցուցադրվում են շահական ընտանիքին պատկանող թանկարժեք, դասական մեքենաները։ Ռեզա Շահը մեծ սեր ուներ սպորտային մեքենաների հանդեպ և հաճախ գիշերները դրանցից որևէ մեկով պտտվում էր Թեհրանի շրջակայքում։ 1979֊ին շահի՝ երկիրը լքելուց հետո մեքենաներից շատերը մնացին երկրում, գողացվեցին, մի քանիսը վաճառվեցին (ասում են 5մլն դոլարով արաբ ոմն շեյխի)։ Իսլամական հանրապետության համար սրանք որևէ արժեք չէին ներկայացնում (չնայած մի քանիսի գինը իսկապես աստղաբաշխական է), ու միայն առանձին անձանց ջանքերով պահպանվեցին ու այսօր թանգարանային նմուշ են»։