«Նա Ռաֆայել Քոթանջյանն էր ու վերջ»․ Ռուբեն Բաբայան

«Անկրկնելի, իր ձեռագրով խորը դերասան էր. իսկական ինտելիգենտ մարդ, հանդուրժող, բարի ցանկացող»,- ՀՀ ժողովրդական արտիստ Ռաֆայել Քոթանջյանի հոգեհանգստին լրագրողների հետ զրոււյցում նշեց Թումանյանի անվան տիկնիկային թատրոնի տնօրեն Ռուբեն Բաբայանը։

«Այդ գույնը լրացնել հնարավոր չէ, այդ պակասը շատ երկար զգալու ենք, որովհետև Ռաֆայել Քոթանջյանն անկրկնելի էր, իրեն երբեք հնարավոր չէր խառնել որևէ մեկի հետ: Նա մտավ իր ոճով, իր ձեռագրով և երբեք իրեն չդավաճանեց, ոչ մեկին չփորձեց նմանվել: Նա Ռաֆայել Քոթանջյանն էր ու վերջ»,- ասաց Բաբայանը։