Ադրբեջանը ձգտում է հայկական մշակութային ժառանգությունը փոխարինել «կովկասյան ալբանական»-ով․ Պետդեպ
 ԱՄՆ պետքարտուղարությունը հունիսի 2-ին հրապարակել է «Միջազգային կրոնական ազատության 2021թ․-ի զեկույցը»: Զեկույցի «Ադրբեջան» բաժնում ԱՄՆ պետքարտուղարությունը հիշատակում է ԵԽԽՎ «Լեռնային Ղարաբաղի հակամարտության մարդասիրական հետևանքների» վերաբերյալ բանաձևում կառույցի արտահայտված մտահոգությունը՝ կապված Ադրբեջանի վերահսկողության տակ անցած տարածքներում տասնյակ հայկական եկեղեցիների, վանքերի, ներառյալ՝ Դադիվանք վանական համալիրի, խաչքարերի և մշակութային ժառանգության այլ կոթողների ապագայի վերաբերյալ: Նշվում է, որ Ադրբեջանի կառավարությունը հայ ուխտավորներին բազմիցս մերժել է մուտք գործել Ադրբեջանի վերահսկողության տակ անցած տարածքում գտնվող վանք։ Ադրբեջանցիներն իրենց հերթին չեն կարողացել այցելել բազմաթիվ կրոնական հաստատություններ՝ ականապատման պատճառով: Պետքարտուղարությունը հիշեցրել է՝ ԵԽԽՎ բանաձևը մտահոգություն է հայտնում Ադրբեջանում պետական մակարդակի վրա զարգացող այն նարատիվի առնչությամբ, որը ձգտում է հայկական մշակութային ժառանգությունը փոխարինել «կովկասյան ալբանական» ժառանգությամբ: Ընդգծվում է, որ տարվա ընթացքում բազմաթիվ հաղորդումներ են ստացվել հայկական մշակութային և կրոնական օբյեկտների նկատմամբ վանդալիզմի, ինչպես նաև հայկական ժառանգության նկատմամբ կառավարության դիտավորյալ իրականացվող գործողությունների մասին:
|
Ռուսաստանում նախատեսվում են Հայաստանի մշակույթի օրեր
29907.04.2025, 01:13
Գորիսի հնգադեմ կուռքը (լուսանկար)
17306.04.2025, 21:24
Իսրայելում 3 տարեկան աղջնակը գտել է 3800-ամյա թալիսման (լուսանկար, տեսանյութ)
50506.04.2025, 20:57
Մեծամորի միջնաբերդից հայտնաբերված՝ կքանստած կնոջ արձանիկը
14806.04.2025, 13:00
«Ովքեր չեն կարողանում լուծել Հայաստանում արցախցիների կեցությունն ապահովելու խնդիրը, պիտի հրաժարական տան». Լիլիթ Բլեյան
24603.04.2025, 20:48
«Սոցապ փոխնախարարն ասում է՝ ձեր փոխարեն կերազեի՝ փոխվարչապետի հետ հանդիպել». Մարիամ Աբրահամյան
17503.04.2025, 20:36