Դերասան Պիեռ Ռիշարը դիմել է Պուտինին

Ֆրանսիացի դերասան Պիեռ Ռիշարը Ռուսաստանի նախագահ Վլադիմիր Պուտինին կոչ է արել որքան հնարավոր է շուտ դադարեցնել ռազմական գործողությունն Ուկրաինայում։ Այդ մասին Ռիշարը հայտնել է ֆրանսիական BFM TV հեռուստաալիքի՝ Twitter-ում հրապարակված տեսաուղերձում։

Ռիշերն ասել է, որ ինքը շատ լավ գիտի և՛ Ռուսաստանը, և՛ Ուկրաինան, և իր ներսում «ամեն ինչ կտոր-կտոր է լինում» այն ամենից, ինչ կատարվում է Ուկրաինայում։
«Շարունակում եմ հուսալ, որ այս ամենը կդադարի որքան հնարավոր է շուտ»,- ասել է դերասանը։