Հայտնի են «Օսկար 2022»-ի հավակնորդները

ԱՄՆ Կինոարվեստի և գիտության ակադեմիան հայտարարել է 2022 թվականի «Օսկար»-ի հավակնորդներին։ Յութուբյան հեռարձակման ժամանակ ներկայացվել է 21 անվանակարգում հավակնորդների ցանկը:

«Լավագույն ֆիլմ» - «Բելֆաստ», «Կոդա», «Մի՛ նայիր վերև», «Նստի՛ր մեքենայիս ղեկին», «Դյունա», «Ռիչարդ թագավոր», «Քաղցրարմատով պիցցա», «Սարսափների ծառուղի», «Շան ուժը», «Վեսթսայդյան պատմություն» կինոնկարները:

Լավագույն դերասանուհի կոչման համար կմրցեն Ջեսիկա Չեսթեյնը («Թեմմի Ֆեյ Այզ»), Օլիվիա Կոլմանը («Անհայտ դուստրը»), Պենելոպե Կրուսը («Զուգահեռ մայրեր»), Նիկոլ Քիդմանը («Լինել Ռիկարդո»), Քրիստեն Ստյուարտը («Սպենսեր»):

«Լավագույն դերասան» - Խավիեր Բարդեմ («Լինել Ռիկարդո»), Բենեդիկտ Քամբերբեթչ («Շան ուժը»), Էնդրյու Գարֆիլդ («Թիկ Թակ Բում»), Ուիլ Սմիթ («Ռիչարդ թագավոր»), Դենզել Վաշինգթոն («Մակբեթ»):

«Լավագույն ռեժիսոր» - Քենեթ Բրանահ, («Բելֆաստ»)
Ռյուսուկե Համագուչի, («Նստեք իմ մեքենայի ղեկին»), Փոլ Թոմաս Անդերսոն («Քաղցրարմատով պիցցա»), Ջեյն Քեմփիոն («Շան ուժը»), Սթիվեն Սփիլբերգ, («Վեսթսայդյան պատմություն»):

«Լավագույն արտասահմանյան ֆիլմ» - «Նստեք իմ մեքենայի ղեկին» (Ճապոնիա), «Փախի՛ր» (Դանիա), «Աստծո ձեռքը» (Իտալիա), «Լունանա. ինչպես դասարանում» (Բութան), «Աշխարհի ամենավատ մարդը» (Նորվեգիա):