Մարիո Ստեֆանո Պիետրոդարկին և Հայաստանի պետական սիմֆոնիկ նվագախումբը կներկայացնեն «La Nuova Dolce Vita» համերգային ծրագիրը

Իտալացի բանդոնեոնահար, ակորդեոնահար Մարիո Ստեֆանո Պիետրոդարկին հունվարի 26-ին «Դվին Մյուզիք հոլում» ելույթ կունենա Հայաստանի պետական սիմֆոնիկ նվագախմբի հետ և դիրիժոր Սերգեյ Սմբատյանի ղեկավարությամբ։ Երաժիշտներն ունկնդրին կպարգևեն իտալա-արգենտինյան երաժշտության երեկո։

Համերգի ընթացքում կհնչեն Նինո Ռոտայի, Ջուզեպպե Սանգենիտիի, Աստոր Պիացոլլայի ստեղծագործություններից։

Մարիո Ստեֆանո Պիետրոդարկին, ողջունելով հայ երաժշտասերներին, հրավիրում է «La Nuova Dolce Vita» խորագրով համերգին։ Համերգին ելույթ կունենա նաև մեցցո-սոպրանո Սոֆիա Թումանյանը։