Երևան`   +3 °C
Այսօր`   Չորեքշաբթի, 01 դեկտեմբերի, 2021 թ.

«Այս սխալն անում են մեծից փոքր»․ Վաչագան Սարգսյան

1723
Շաբաթ, 20 նոյեմբերի, 2021 թ., 21:42
«Այս սխալն անում են մեծից փոքր»․ Վաչագան Սարգսյան

«Այբբենարան»-ի հեղինակ Վաչագան Սարգսյանը ֆեյսբուքյան իր էջում գրել է. «Անընդհատ ուզում էի գրել այս մասին, բայց մտածում էի՝ արդյո՞ք սրա ժամանակն է:
Խոսքս «Տեղեկատվություն» տերմինի մասին է, որը նշանակում է «տեղեկության հաղորդում», «տեղեկություն տալ»: Այսօր այս բառը գրեթե բոլորը սխալ են գործածում. փոխանակ ասելու՝ տեղեկություն տվեցին, տեղեկություն ստացանք, ասում են՝ տեղեկատվություն տվեցին, տեղեկատվություն ստացանք և այլն: Սա տավտալոգիա է՝ կրկնաբանություն: «Տեղեկատվություն » բառի մեջ արդեն տալը կա, չարժէ նորից տալ արդեն տվածը, դրանով խառնաշփոթ է ստեղծվում տեղեկատվական դաշտում:
Այս սխալն անում են մեծից փոքր, հասարակության բոլոր շերտերի ներկայացուցիչները և, հատկապես, վերին, վերի՜ն շերտերը:
Արդեն ոչ միայն ականջ է ծակում, այլև՝ սիրտ ու հոգի»:

Աղբյուրը`   Վաչագան Սարգսյան