Ադրբեջանցիները տեղահանել են Շուշիի Քանդակների պուրակի քանդակները

Արբանյակային լուսանկարները ցույց են տալիս, որ ապրիլի 10 -ից հունիսի 5 -ն ընկած ժամանակահատվածում Շուշիի կերպարվեստի թանգարանի պուրակի 51 քանդակ հանվել է, և տարածքն ամբողջությամբ մաքրվել է: Այս մասին ահազանգում է Կովկասյան ժառանգության պաշտպանության (Caucasus Heritage Watch) միջազգային կազմակերպությունը, որն իր մտահոգությունն է հայտնում այդ արվեստի գործերի վիճակի առթիվ, որոնք այդ թանգարանի սեփականությունն են:

Կազմակերպությունը հարցեր է ուղղում ադրբեջանական իշխանությանն այդ կապակցությամբ՝ նշելով, որ վերջինները պետք է բացահայտեն առգրավված քանդակների գտնվելու վայրը և տեղեկացնեն, թե դրանք ինչպես են հասանելի լինելու հանրությանը, արդյոք քանդակների հեղինակները ներգրավված են եղել դրանց տեղահանման ժամանակ և տեղափոխումը համահունչ է Չեփման Թեյլորի նոր գլխավոր հատակագծին: