Լուկաշենկոն ստանձնել Է Բելառուսի նախագահի պաշտոնը
Ալեքսանդր Լուկաշենկոն ստանձնել Է Բելառուսի նախագահի պաշտոնը։ Երդմնակալության արարողությունն այս պահին տեղի է ունենում Անկախության պալատում։ Երդմնակալության արարողությանը հրավիրված է եղել մի քանի հարյուր մարդ։ Դրանց թվում են՝ հանրապետության բարձրաստիճան պաշտոնյաներ, Ներկայացուցիչների պալատի պատգամավորները և խորհրդի անդամները, պետական մարմինների ու կազմակերպությունների, տեղական գործադիր և վարչական մարմինների, ԶԼՄ-ների ղեկավարները, գիտության, մշակույթի և սպորտի ոլորտների գործիչները: «Ստանձնելով Բելառուսի Հանրապետության նախագահի պաշտոնը՝ հանդիսավոր երդվում եմ հավատարմորեն ծառայել Բելառուսի Հանրապետության ժողովրդին, հարգել և պահպանել մարդու և քաղաքացու իրավունքներն ու ազատությունները, պահպանել և պաշտպանել Բելառուսի Հանրապետության Սահմանադրությունը, սրբորեն և բարեխղճորեն կատարել ինձ վրա դրված պարտականությունները»: Սահմանադրության վրա աջ ձեռքը դնելով՝ Ալեքսանդր Լուկաշենկոն երդում է տվել բելառուսերենով։ Այնուհետև նա ստորագրել է երդման ակտը, որից հետո Բելառուսի ընտրությունների և հանրապետական հանրաքվեների անցկացման կենտրոնական հանձնաժողովի նախագահ Լիդիա Երմոշինան Ալեքսանդր Լուկաշենկոյին հանձնել Է Բելառուսի Հանրապետության Նախագահի վկայականը: Հիշեցնենք՝ պետության ղեկավարի ընտրությունները կայացել են օգոստոսի 9-ին: ԿԸՀ-ի տվյալներով՝ Ալեքսանդր Լուկաշենկոյի օգտին քվեարկել Է ընտրողների 80,1%-ը: |
«Տրանսպորտային կապերի ընդլայնումն առանցքային է». Միրզոյանը՝ Ղազախստանի ԱԳ նախարարին
1314:36Ալիևը խարույկ է վառել օկուպացված Ստեփանակերտում
1614:30«Նոր թռիչքներ ենք բացում Աստանայի ու Երևանի միջև». Ղազախստանի ԱԳ նախարար (տեսանյութ)
4014:24«2020թ. նոյեմբերի 10-ին 3 օր վախից փախած էին»․ Արշակ Կարապետյան (տեսանյութ)
7313:48Exit poll-ի տվյալներով՝ Երևանում ընտրողների 63 տոկոսը քվեարկել է Դավանկովի օգտին
12013:00Պուտինը՝ Երրորդ համաշխարհային պատերազմի հավանականության մասին
15611:48