Լևոն Տեր-Պետրոսյանի թոռը՝ «Իմ քայլը» հիմնադրամի կրթաթոշակի շահառու

Լևոն Տեր-Պետրոսյանի թոռը «Իմ քայլը» հիմնադրամի կողմից կրթաթոշակի հավաստագիր է ստացել։ «Իմ քայլը» հիմնադրամը կրթաթոշակների հավաստագրեր է հանձնել աշխարհի առաջատար համալսարաններ ընդունված երիտասարդներին: Կրթաթոշակ ստացածների մեջ է եղել նաև ՀՀ 1-ին նախագահ Լևոն Տեր-Պետրոսյանի թոռը՝ Լևոն Տեր-Պետրոսյանը: Նա տնտեսագիտություն է սովորելու Լոնդոնի համալսարանական քոլեջում:

Հայտնի է, որ 2019-2020 ուսումնական տարվա համար հիմնադրամը ստացել է 90 դիմում աշխարհի տարբեր համալսարաններ ընդունված երիտասարդներից: Հաստատվել է 55 դիմորդի հայտ՝ հաշվի առնելով նախօրոք հայտարարված չափորոշիչներն ու առաջնահերթությունները: