Մալխաս Ամոյանը հռչակվեց Վարշավայի մրցաշարի հաղթող

Լեհաստանի մայրաքաղաք Վարշավայում ընթացող «Poland Open» ըմբշամարտի միջազգային մրցաշարում 72 կգ քաշային Մալխաս Ամոյանը դարձավ ոսկե մեդալակիր: Ամոյանը եզրափակչում 6:0 հաշվով հաղթեց ուկրաինացի Մաքսիմ Եվտուշենկոյին:

Մալխասը պայքարն սկսել էր ¼ եզրափակչից, որտեղ 9։0 հաշվով՝ ժամանակից շուտ, առավելության էր հասել թուրք Ահմեդ Յիլմազի նկատմամբ, իսկ կիսաեզրափակչում Ամոյանի մրցակիցն ԱՄՆ-ն ներկայացնող Ռայմոնդ Բունկերն էր, ում Մալխասը հաղթել է 9։0 հաշվով։