Հայ բասկետբոլիստուհիները դուրս եկան եզրափակիչ

Բասկետբոլի Հայաստանի կանանց մինչև 18 տարեկանների հավաքականը Եվրոպայի C դիվիզիոնի առաջնության կիսաեզրափակչում 71-61 հաշվով հաղթեց Անդորրայի հավաքականին և դուրս եկավ եզրափակիչ:

Եզրափակչում մեր ընտրանին չեմպիոնի կոչման համար կպայքարի Մալթայի հավաքականի հետ:

Հանդիպման ամենաարդյունավետ խաղացող ճանաչվեց Մերի Մարգարյանը, ով վաստակեց 17 միավոր: