Արման Ավագյանը՝ Եվրոպայի երիտասարդական առաջնության բրոնզե մեդալակիր

Իսպանիայի Պոնտեվեդրա քաղաքում անցկացվող ըմբշամարտի Եվրոպայի երիտասարդական առաջնությունում պայքարի մեջ են մտել ազատ ոճի ըմբիշները: Հայաստանը ներկայացնող 79 կգ քաշային Արման Ավագյանը նվաճեց բրոնզե մեդալ։

Արմանը կիսաեզրափակչում 8:9 հաշվով պարտվեց Ռուսաստանի ներկայացուցիչ Ամհադ Տաշուխաջիևին։ Նա բրոնզե մեդալի համար պետք է գոտեմարտեր ուկրաինացի Ալեքսանդր Վիշնյակի հետ, սակայն մրցակիցը չներկայացավ գոտեմարտին և Ավագյանը դարձավ բրոնզե մեդալակիր: