«Ուզում եմ հիշեցնել, որ ԵՊՀ-ն գումարներ էր փոխանցում ՀՀԿ-ի Երիտասարդական հիմնադրամին». Նիկոլ Փաշինյան

«Բուհերը եղել են իշխանության ձեռքին բութ գործիք՝ ուսանողության շրջանում ստեղծարար նախաձեռնությունները խեղդելու, կուսակցական համակարգի մաս դարձնելու ու սոցիալական անպաշտպան վիճակը որպես քաղաքական գործիք օգտագործելու համար»,- ԱԺ-Կառավարություն հարցուպատասխանի ժամին հայտարարեց ՀՀ վարչապետը: «Ուզում եմ հիշեցնել, որ ԵՊՀ-ն գումարներ էր փոխանցում Երիտասարդական հիմնադրամին, որը ՀՀԿ-ի հսկողության տակ էր և որը ուսանողներին օգնություն էր տալիս այն տրամաբանությամբ, թե ուսանողն ինչքանով է պատրաստ ծափահարել ՀՀԿ-ին ու էդպես շարունակ: Այո, հեղափոխությունն սկսվել է ԵՊՀ դռները բացելով ու ԵՊՀ դռները բաց պետք է մնան: Էն ռեկտորը, ով չափահաս մարդու առաջ փակում է դուռը, անելիք չունի ՀՀ-ում: Էդ ռեկտորները պետք է հավաքեն իրենց իրերն ու գնան՝ իրենց գործերով զբաղվեն»,- ընդգծեց վարչապետը: