«Նարեկ Մալյանի սիրելի Սիմոնյանն ավելի քան 1 մլն դոլար է ստացել Սորոսի հիմնադրամից». Վահե Գևորգյան

«Քաղաքացու որոշում» սոցիալ-դեմոկրատական կուսակցության անդամ Վահե Գևորգյանը ֆեյսբուքյան իր էջում գրել է. «Քանի որ Նարեկ Մալյանը սորոսաֆոբիա ունի, այսինքն ոչ թե ունի, այլ այդ էժան մանիպուլյացիան միակ բռնվելու փայտիկն ա մնացել, չնայած այն փաստին, որ սորոսաֆոբների 90 տոկոսը գաղափար չունի դա ով ա, ինչ ա, ինչացու ա: Ամեն դեպքում ուզում եմ իրեն հիշեցնել, որ իր սիրելի Սիմոնյանն ավելի քան 1 մլն 40 հազար դոլար գումար ա ստացել Սորոսի հիմնադրամից:

Երևանի պետական համալսարանը տարբեր տարիների ընթացքում ավելի քան 1 միլիոն 40 հազար դոլար է ստացել Սորոսի հիմնադրամից։ Այս մասին «Ազատություն» ռադիոկայանի հետ զրույցում ասել է Բաց հասարակության հիմնադրամներ-Հայաստան գրասենյակի (հայտնի է որպես Սորոսի հիմնադրամ) գործադիր տնօրեն Լարիսա Մինասյանը՝ շեշտելով, որ իրենք երկար տարիներ աշխատել են Երևանի պետական համալսարանի հետ»։