«Դրանից հետո ԵՊՀ-ն դարձավ ՀՀԿ-ի ֆիլիալներից մեկը». Արշալույս Մղդեսյան

«Մեդիա կենտրոն» ծրագրի խմբագիր-համակարգող Արշալույս Մղդեսյանը սոցկայքի իր էջում գրել է. «ԵՊՀ էդ ռեկտորի ընտրությունը հիշո՞ւմ եք։ Պարզվեց, որպեսզի նա ընտրվեր մի քանի ակադեմիկոսների քվեարկած թերթիկ պետք է անվավեր ճանաչվեր։ Ակադեմիկոսները կառլ չգիտեին՝ ինչպես պտիչկա դնել։ Հա ու երկու փուլով ընտրվեց։ 2006-ի մարտին մի անգամ չընտրվեց, ավելի ճիշտ, ըստ չար լեզուների, ուրիշն ընտրվեց, բայց դե Ազատիչը հասավ օգնության, ու Սիմոնյանը քաշեց «կրկին փորձիր» տոմսը։ Մայիսին երկրորդ փորձից նա տարավ համոզիչ հաղթանակ։ Ավելի կոնկրետ վարչական ռեսուրսով նրան կարգեցին ռեկտոր։ Ու դրանից հետո ԵՊՀ-ն դարձավ ՀՀԿ-ի ֆիլիալներից մեկը։ Ուժայինների ու լավ տղերքի վերահսկողություն ուսանողների նկատմամբ, դասախոսների ակադեմիական ազատությունների սահմանափակում ու մի բոլ չարաշահումներ, կոռուպցիա։ Ու հիմա Սիմոնյանի համար միտինգ են անում, ԵՊՀ փրկության մասին խոսում։ Մարդ նորմալ բառեր չի գտնում ձեզ նկարագրելու համար»։