«Գուցե այդ հեղափոխական օրենքով բարձրացնեք ուսուցիչների խղճուկ աշխատավարձերը». Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է. «ԿԳ նախարար Արայիկ Հարությունյանը գրել է, որ ունենալու ենք կրթության մասին հեղափոխական օրենք: Իշխանափոխությունից հետո անցած 9 ամսում կրթության ոլորտում ոչ մի բարեփոխում չեղավ, հիմա հեղափոխական օրենքով ցնցելո՞ւ եք համակարգը: Գուցե այդ հեղափոխական օրենքով բարձրացնեք ուսուցիչների խղճուկ աշխատավարձերը, 12-ամյա կրթությունը վերափոխեք, կրկնուսուցությունը վերացնեք, քոլեջներում սովորողները դասի գնան, ոչ թե միայն մատյաններում հաշվառված լինեն, համալսարանական կրթության ցածր որակը մի քիչ բարձրանա: Բավ է, որ դպրոցների տնօրենները ձևականորեն ընտրվեն, իրականում՝ նշանակվեն իշխանավորների կողմից, ու հետո այդ տնօրեններն իրենց դպրոցներում ֆեոդալ դառնան: Երբ այս ամենը փոխվի, կասեմ՝ հեղափոխությունը կրթության ոլորտում տեղի ունեցավ: Թե չէ հեղափոխություն բառը հարկի-անհարկի հոլովում եք»: