«Ուզում եմ, որ քննարկման հարց դառնա մեր ԱԱԾ ոլորտի մասնագետներ պատրաստելու խնդիրը». Նարինե Դիլբարյան
Լեզվաբան, բանասիրական գիտությունների թեկնածու Նարինե Դիլբարյանը ֆեյսբուքյան իր էջում գրել է. «Հայաստանի Հանրապետյունն 1991-ի անկախության հանրաքվեից հետո ձեռնամուխ եղավ ինքնիշխանություն ապահովող կառույցների ստեղծմանը, պետականաշինությանը: Շատ քայլեր կատարվեցին, մեծ հաջողություններ նաև ցավալի սխալներ, անցանկալի բացթողումներ: Թավշյա հեղափոխությունից հետո բացթողումները լրացնելու հանրային լուրջ ու արդար պահանջ կա: Մարտավարական և ռազմավարական խնդիրների օրակարգեր են ձևավորվում: Այդ տեսանկյունից ուզում եմ, որ քննարկման հարց դառնա մեր ԱԱԾ ոլորտի մասնագետներ պատրաստելու խնդիրը: Ցավոք և անհասկանալիորեն ցայսօր մենք չունենք այս գերկարևոր ոլորտի երիտասարդ մասնագետների պատրաստման հատուկ մասնագիտացված կրթօջախ: Ռազմական ինստիտուտ ստեղծեցինք, և այսօր մեր հայ զինվորականներն իրենց պատրաստվածությամբ հույժ մրցունակ են միջազգային ասպարեզում, ոստիկանության դպրոց ունենք: Բայց Ազգային անվտանգության ոլորտի մասնագետներ պատրաստելու համար մեր կադրային հույսը օտար երկրներում, հիմնականում Ռուսաստանում գործող կրթական հաստատությունների վրա է: Համոզված եմ, որ ազգային անվտանգությունն այն գերզգայուն ոլորտն է, որտեղ օտար ազդեցությունները, կողմնորոշումները և արժեբանությունը չափազանց կարևոր են և վտանգավոր: Կարծում եմ՝ առկա ներուժով անգամ կարելի է Ազգային անվտանգության ՀՀ բարձրագույն դպրոց հիմնել, անգամ շատ ավելի արդյունավետ կլինի դրսից հրավիրված մասնգետների Հայաստան կանչելը, քան մեր երիտասարդներին Մոսկվայում կամ Օրյոլում կրթելն ու պատրաստելը: Ընդ որում պետք է տարբեր երկրների ԱԱ ոլորտի փորձը հաշվի առնելով համակշռել տարբեր մասնագետների ներուժը ինչպես տարածաշրջանում, այնպես էլ դրանից դուրս: Մեր ազգային անվտանգության գերակայություններն ու մարտահրավերները միայն Հայաստանում կարող են լավագույնս որոշվել և իրագործվել»: |
Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը
10519:36«Բուհի դիպլոմ չունենալու պատճառով Տավուշում աշխատանքից ազատել են 55 ուսուցչի»․ Ոսկան Սարգսյան
88326.03.2024, 10:48«Ահագուժող դիտարկումները, թե այսօր-վաղը ինչ-որ բան է պատահելու, անտեղի են». Ժաննա Անդրեասյան
158523.03.2024, 23:48100-ից ավելի գիտնականներ պահանջում են խոտանել «Հայոց պատմության» 7-րդ դասարանի դասագիրքը
204222.03.2024, 18:18ՀՀ-ում 7 բուհ չունի ռեկտոր․ իշխանությունը «ենթարկվող» մարդկանց է փնտրում
229321.03.2024, 23:18«Այդ հարցն ինձ համար սպառված է». ԿԳՄՍ նախարար (տեսանյութ)
169221.03.2024, 12:18