Թրամփը դադարեցրել է «շաթդաունը»

ԱՄՆ նախագահ Դոնալդ Թրամփն ու Կոնգրեսը համաձայնության են եկել երկրի կառավարության աշխատանքի վերսկսման հարցում: Թրամփը ժամանակավոր բյուջեի փաստաթուղթ է ստորագրել, ըստ որի՝ կառավարությունը կֆինանսավորվի մինչև փետրվարի 15-ը՝ առանց Մեքսիկայի հետ սահմանին պատի կառուցման համար պահանջվող գումարի հատկացման: Այսպիսով, նա դադարեցրել է Ամերիկայի պատմության ամենաերկար «շաթդաունը» (35 օր), հաղորդում է Սպիտակ տունը: Ենթադրվում է, որ առաջիկա 3 շաբաթները կօգտագործվեն երկարաժամկետ բյուջեի քննարկման համար: Ինչպես Twitter-ի իր էջում գրել է նախագահը, 21 օր հետո, եթե համաձայնություն ձեռք չբերվի պատի կառուցման ֆինանսավորման հարցում, կմտցնի արտակարգ դրություն: