Երևան`   +5 °C
Այսօր`   Չորեքշաբթի, 12 դեկտեմբերի, 2018 թ.

Սերգեյ Բոնդարենկոն և Սարգիս Հովիվյանը պարգևատրվել են «Բացառիկ ծառայությունների համար» մեդալով

191
Չորեքշաբթի, 14 նոյեմբերի, 2018 թ., 17:40
Սերգեյ Բոնդարենկոն և Սարգիս Հովիվյանը պարգևատրվել են «Բացառիկ ծառայությունների համար» մեդալով

«Արարատ-73» ֆուտբոլային թիմի անդամ Սերգեյ Բոնդարենկոն և լեգենդար Սարգիս Հովիվյանը պարգևատրվել են ՀՀ սպորտի և երիտասարդության հարցերի նախարարության «Բացառիկ ծառայությունների համար» մեդալով:

Մեդալներն այսօր հանդիսավոր պայմաններում ֆուտբոլիստներին է հանձնել ՀՀ սպորտի և երիտասարդության հարցերի նախարարի պաշտոնակատար Գաբրիել Ղազարյանը:

Նախարարի պաշտոնակատարը շնորհավորել է ֆուտբոլիստներին, մաղթել նրանց առողջություն, երկար տարիների կյանք և ընդգծել, որ ֆուտբոլասերների մի քանի սերունդ պարծեցել և հպարտացել է «Արարատ-73»-ի ձեռքբերումներով: «Մինչև այսօր էլ «Արարատ-73» ֆուտբոլային թիմը մնացել է անգերազանցելի: Լիահույս եմ, որ այսօրվա հայկական ֆուտբոլում նույնպես կլինեն թիմեր, որոնք կկարողանան պատվով կրել ձեզանից ստացած ժառանգությունը»,- ասել է Գ. Ղազարյանը:

Հանդիպումն անցել է բարի ու անկաշկանդ մթնոլորտում: Սերգեյ Բոնդարենկոն և Սարգիս Հովիվյանը բազմաթիվ հետաքրքիր հիշողություններ են պատմել իրենց մարզական կայնքից: Նրանք շնորհակալություն են հայտնել ջերմ ընդունելության և բարեմաղթանքների համար:

Նշենք, որ նախարարի համապատասխան հրամաններով ֆուտբոլիստներին շնորհվել են հայկական ֆուտբոլի զարգացման գործում ունեցած մեծ ներդրման, մարզական փայլուն նվաճումների և Սերգեյ Բոնդարենկոյի ծննդյան 70 ու Սարգիս Հովիվյանի ծննդյան 80-ամյակների կապակցությամբ:

Սերգեյ Բոնդարենկոն և Սարգիս Հովիվյանը «Բացառիկ ծառայությունների համար» մեդալով
Սերգեյ Բոնդարենկոն և Սարգիս Հովիվյանը «Բացառիկ ծառայությունների համար» մեդալով
Սերգեյ Բոնդարենկոն և Սարգիս Հովիվյանը «Բացառիկ ծառայությունների համար» մեդալով
Սերգեյ Բոնդարենկոն և Սարգիս Հովիվյանը «Բացառիկ ծառայությունների համար» մեդալով